Ərdoğanın Azərbaycan səfəri təxirə salındı

18-02-2016, 00:17
0
Ərdoğanın Azərbaycan səfəri təxirə salındı
Türkiyə prezidenti Rəcəb Tayyib Ərdoğan Azərbaycana bu gün edəcəyi səfəri ləğv edib.
 
Türkiyənin "Anadolu" agentliyinə istinadən verdiyi məlumata görə, Ərdoğan Azərbaycan Prezidenti İlham Əliyevə axşam saatlarında zəng vuraraq, Ankaradakı partlayışdan sonra Azərbaycan səfərini daha sonrakı tarixə təxirə salmağın daha uyğun olacağını bildirib. Verilən məlumata görə, normalda bu gün üçün planlaşdırılmış Türkiyə-Azərbaycan Yüksək Səviyyəli Strateji Əməkdaşlıq Şurasının V İclası yenidən müəyyənləşdiriləcək bir başqa tarixdə baş tutacaq.
 
Azərbaycan Prezidenti Əliyev telefon danışığı zamanı Ankaradakı partlayışdan kədərləndiyini bildirərək, dünyasını dəyişənlərə Allahdan rəhmət, yaralılar üçün şəfa diləyib: “Hörmətli cənab Prezident! Əziz Qardaşım! Ankara şəhərində törədilmiş terror aktı nəticəsində insanların həlak olması və yaralanması xəbəri bizi olduqca kədərləndirdi.
 
Biz bəşəriyyət üçün dəhşətli bəlaya çevrilmiş terrorizmi qətiyyətlə pisləyir, ona qarşı mübarizəni hər cür dəstəkləyirik. Bu amansız hadisə terrorizmə qarşı hamılıqla mübarizənin zəruriliyini bir daha təsdiq edir.
 
Baş vermiş faciə ilə əlaqədar dərdinizi bölüşür, Sizə, həlak olanların ailələrinə və yaxınlarına, qardaş Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm”.
скачать dle 12.1
Xəbər lenti