Gürcüstan-Azərbaycan sərhədində qızıl külçələrinin qanunsuz idxalı ittihamı ilə gürcü gömrükçüləri bir nəfəri saxlayıb.

İstintaq materiallarına görə, gürcü gömrükçüləri Toyota Prado markalı avtomobildə gizlədilmiş 5.1 kq-lıq qızıl külçələri aşkar edib.

Kontraband qızılın dəyəri 113 min dollar təşkil edib.

Gürcüstan Maliyyə Nazirliyinin Təhqiqat xidməti xəbər verir ki, qanunsuz mal əşyayi dəlil olaraq müsadirə edilib. “Gürcüstan sərhəd gömrüyü ilə çox böyük miqdarda malların keçirilməsi zamanı qaydaların pozulması” maddəsi ilə başladılan cinayət işinə görə cərimə və ya 5 ildən 7 ilədək azadlıqdan məhrumetmə cəzası nəzərdə tutulur.