Yüngül çəkidə keçmiş UFC çempionu Həbib Nurməhəmmədov yeni biznesə girişib.
Dağıstanlı idmançı özünə restoran açır.
Həm də bu istəyini Qazaxıstanda reallaşdıracaq. Nurməhəmmədov bu barədə sosial şəbəkə hesabında paylaşım edib:
"Mən dəfələrlə Qazaxıstanda olmuşam. Tezliklə daha tez-tez olacağam, bunun rəsmi səbəbi var. Bilirəm ki, ət və yaxşı yemək üzrə həqiqi mütəxəssislər Qazaxıstanda yaşayır. Bu ilin baharında Qazaxıstanda "M-Eat by Khabib" açacağam. Qardaşlar, ilk restoranı harada açmağımı istəyirsinizsə, yazın".
Qeyd edək ki, Nurməhəmmədov son döyüşünü 2020-ci ilin oktyabrında keçirib. Ötən ilin sonunda isə qarışıq döyüş sənətindən gedişini təsdiqləyib.