Sabunçu sakinləri: “Başçı, salınan yaşıllıqların məhv edərək yerini ayrı-ayrı biznesmenlərə satıb”
Sabunçu rayonunun bir qrup sakini və rayonda fəaliyyət göstərən sahibkarlar icra başçısı Adil Vəliyevin qanunsuz əmələrindən bizim redaksiyaya müraciyət ediblər.
Bu barədə "QaynarXəbər" ın əməkdaşı Rəsul Əliyevə məlumat verən sakinlər bildiriblər ki, Suraxanı rayon icra hakimiyyətinin başçısı Adil Vəliyevin fəaliyyəti rayonda sosial partlayışlara səbəb ola bilər. Sakinlər "QaynarXəbər" ın əməkdaşına bildiriblərki, icra başçısı rayonda abadlıq işləri adı altında yaşıllıqları məhv edir: “Biz Sabunçu rayonuna yeni başçı təyin olanda çox sevindik. Allah tərəfi ilk ayı pis olmadı. Amma, sonradan bu sevincimiz yasa döndü. Belə ki, icra başçısı abadlıq işləri altında rayonu başdan-sona kimi qazır, ticarət obyektlərini sökdürür. Bu gün rayon ərazisində bir metr belə boş torpaq sahəsi tapa bilməzsiniz. Vəziyyət o həddə çatıb ki, başçının əmri ilə vaxtı ilə mərhum prezidentimiz Heydər Əliyevin əmri ilə salınan yaşıllıqlar məhv edilərək yeri ayrı-ayrı biznesmenlərə satılıb”.
Sakinlərin müraciətində Adil Vəliyevin abadlıq işləri adı altında gördükləri işlər də göstərilir: “Adil Vəliyevin sərəncamına əsasən rayonun Fətəliyev küçəsi 29-30 nömrəli binalarının birinci mərtəbəsində hər iki tərəfində, pəncərələrimizin işığını kəsərək qarşısında ticarət obyekti tikilir. A.İskəndərov adına Mədəniyyət Sarayının qarşısındakı uşaq parkının da bir hissəsisatılaraq tikinti meydançasına çevrilib. Mədəniyyət sarayının yanındakı və qarşısındakı avtobus dayanacaqlarının yeri də satılaraq yerində böyük mağazalar tikilib. Keçmiş Sosialist küçəsindəki parkın ərazisindəki uşaq parkının ərazisi satılıb, yerində tikinti gedir. Səməd bəy Mehmandarov prospekti 40-42-38 nömrəli binaların qarşısındakı mini parkdakı və Kapital bankın 2 saylı ofisinin yaxınlığında, transformator stansiyasının yanındakı ağaclar kəsilərək ərazi tikinti şirkətinə satılıb. Sülh küçəsindəki (Damcı Bulaq restoranının yanı) balaca parkın ərazisi hasarlanıb, restoran tikilir”.
Rayon sakinləri deyir ki, rayon boyu hasarlamalar evlərinə gediş-gəlişi çətinləşdirib: “Obyektlərə gələn maşınların və adamların səsindən nə gecə, nə də gündüz rahatlığımız olur”.
İcra başçısı vətəndaşların şikayətlərinə baxmır, rayon sakinləri sosial problemlərin məngənəsində boğulurlar: “Rayonda təmir və abad etməyə o qədər zirzəmisi su ilə dolu binalar, eyvanları daman evlər, su üzünə həsrət həyətlər, təmirə ehtiyacı olan uşaq bağçaları, məktəblər var ki. Buyurun sökün tikin”.
Adil Vəliyev 60 obyektin sökülməsi haqqında göstəriş verib
Sabunçu rayon sakinlərinin şikayətinə qoşulan, bu rayonda fəaliyyət göstərən bir qrup sahibkar isə icra başçısı Adil Vəliyevin sərəncamına əsasən Bakıxanov qəsəbəsindəki dəmir yolu meydanı yaxınlığındakı ticarət obyektlərinin sökülməsi ilə bağlı göstəriş verdiyini deyirlər: “20 ilə yaxındır ailələrimizi buradan dolandırırıq. İndi icra başçısı obyektlərimizi, 60-a yaxın tikilmiş mağazamızı söküb, yerində 3 mərtəbəli böyük ticarət mərkəzi tikmək üçün hansısa imkanlı şəxsə satmaq istəyir. Ucuz qiymətlə ödəniş edib bizim əmlakımıza sahib çıxmaq istəyirlər. Adını da qoyublar ki, guya dövlət projesidir”.
Onu da qeyd edək ki, Adil Vəliyev əvvəllər biznesmen olub. 2003-2012-ci illər ərzində özü təsis etdiyi “Euro style” LTD şirkətində çalışıb.
2012-ci ilin aprel ayında Azərbaycan Respublikası prezidentinin sərəncamı ilə Bakı şəhəri Sabunçu Rayonu İcra Hakimiyyəti başçısı vəzifəsinə təyin edilib.
Mövzu ilə bağlı Sabunçu Rayon İcra Hakimiyyətinə zəng vursaq da qəzetimizə açıqlama verən tapılmadı. Qarşı tərəfin də mövqeyini öyrənib dərc etməyə hazırıq.
"QaynarXəbər" Rəsul Əliyev