2016-cı ildə Azərbaycana 1 mln. 599,6 min ton buğda idxal edilib ki, bu da 2015-ci ilin göstəricisindən 18,2% çoxdur. Bu barədə Dövlət Statistika Komitəsindən məlumat verilib.

Respublikaya idxal olunmuş buğdanın ümumi dəyəri $295 mln. 18,2 min (azalma 0,6%) təşkil edib.

Hesabat ilində Azərbaycana $152 mln. 756,4 min dəyərində (artım 22,7%) 365,2 min ton şəkər xammalı və şəkər (artım 25,3%), $124 mln. 642,3 min dəyərində (artım 77,3%) 138,4 min ton bitki yağı (artım 20,1%), $44 mln. 734,3 min dəyərində (artım 2,7 dəfə) 12 min 609,5 ton çay (artım 69%), $48 mln. 383,9 min dəyərində (artım 2,2 dəfə) 14 min 365,1 ton kərə yağı və süd (artım 4,1%) idxal edilib.

2016-cı ildə respublikaya $63 mln. 573,8 min dəyərində (artım 90,9%) 72 min 165,4 ton meyvə (artım 24,7%), $18 mln. 271,9 min dəyərində (artım 3 dəfə) 45 min 913,5 ton tərəvəz (artım 80,1%), $33 mln. 789,2 min dəyərində (artım 3 dəfə) 183 min ton kartof (artım 46,7%) idxal edilib.

Hesabat ilində ölkədən $113 mln. 195,4 min dəyərində (artım 60,1%) 124,5 min ton tərəvəz (artım 49,5%), $243 mln. 434,9 min dəyərində (artım 10,6%) 214,3 min ton meyvə (artım 23,9%), $15 mln. 789,1 min dəyərində (azalma 24,6%) 38 min 229,4 ton kartof (artım 4,1%), $6 mln. 178,8 min dəyərində (azalma 68,3%) 1 min 137,7 ton çay (azalma 73,5%) ixrac edilib.

Bundan başqa, qeyd olunan dövrdə Azərbaycandan $62 mln. 30 min dəyərində (azalma 70,8%) 108,4 min ton şəkər (azalma 50,9%), $10 mln. 711,2 min dəyərində (azalma 80,8%) 10 min 253,6 ton bitki yağı (azalma 56,3%) ixrac edilib.