Sürücü Firdovsi Bəhram oğlu Vəliyev Dövlət Yol Polisinin “Ekologiya postu”nda işləyən Hacı adlı kapitandan şikayətçidir.

İxa.az-a danışan F.Vəliyev bildirib  ki, mülkiyyətçisi olduğu avtomobili kapitan Hacı girov götürüb və ancaq, iri şirinlik müqabilində azad edəcək.

 Bundan başqa, vətəndaş deyir ki, onun mülkiyyətindəki nəqliyyat vasitəsi dostunda olub.

Şikayətçi bildirib:

“Maşını dostumun tanışı götürüb sürüb və yol polisi haqlı olaraq saxlayıb. Binəqədi rayon Dövlət Yol Polis Şöbəsinin əməkdaşları sükan arxasında olan şəxsin sürücülük hüququ olmadığından maşını Respublika Baş Dövlət Yol Polisi İdarəsinin cərimə meydançasına aparıblar. Belə hallarda şəxs cərimə olunur. Nəqliyyat vasitəsi isə qanuna görə 60 manat cərimə ödəməklə mülkiyyətçiyə - yəni mənə qaytarılmalıdır”.

F.Vəliyevin sözlərinə görə, Yol Polisinin Binəqədi Ekologiya postunda kapitan rütbəli Hacı isə deyir ki, “qanunda nə yazılıb bilmirəm, sən mənə dediyim məbləği verməsən maşının burada qalacaq”.

Daha sonra vətəndaş kapitana  qanunsuz əməllərindən şikayət edəcəyini deyib:

“Hacıya qanunu pozmamağı, dövlətin müəyyən etdiyi cəriməni ödəməklə mülkiyyətimi-maşınımı özümə qaytarmasını istədim. Əks təqdirdə daxili işlər naziri cənab Vilayət Eyvazova şikayət edəcəyimi bildirdim.

Dedi ki, "get kimə istəyirsən de, dediyim “şirinliyi” verməsən maşın burada qalacaq".

Hörmətli nazirdən xahiş edirəm ki, Hacının qanunsuzluğunun qarşısını alınmasına göstəriş versin. Onun hərəkətləri polisin adına xələl gətirir. Sanki mən vətəndaş deyiləm, Hacı da yol polisinin səlahiyyətlisiŞ Özünü qanunlardan üstün tutur...

Ona görə də nazirdən xahiş edirəm ki, məsələni şəxsi nəzarətinə götürsün”.

Xatırlaqdaq ki, nazirin apardığı son kadr islahatları zamanı Mərdan Mehdiyev Xırdalan Ekologiya postuna rəisi təyn edilib. Mərdan Mehdiyevin rəhbər işlədiyi vaxtlara nəzər salsaq, dəfələrlə bu və buna oxşar rüşvət hadisələrinin baş verdiyi də gələn xəbərlər arasında olduğu deyilir.