Rusiyanın Mahaçqala limanında neft tankeri partlayaraq alovlanıb, üç dənizçi həlak olub.
Rusiyanın Fövqəladə Hallar Nazirliyinin Şimal Qafqaz regionunda filialı daha üç nəfərin xəstəxanaya yerləşdirildiyini bildirir. Hadisə iyunun 11-də səhər tezdən baş verib.
Partlayış vaxtı gəmidə 12 nəfər olub.
İki dənizçinin cəsədi partlayışdan dərhal, üçüncüsü isə bir neçə saat sonra tapılıb.
“Volqa” gəmiçilik şirkətinə məxsus tanker Mahaçqalaya Türkmənistandan gedib, 2 min ton neft daşıyırmış.