Martın 15-də Milli Şuranın təşkil etdiyi  Yasamal rayon Məhsul stadionun ərazisində təşkil olunmush etiraz aksiyasında saxlanmış ADP Gənclər Təşkilatının üzvü Günay Qasımova 10 sutka inzibati həbs cəzası alıb. Məlumat “qaynarxeber.org” saytına partiyanın mətbuat xidmətindən verilib. 

Mətbuat xidmətinin yaydığı press-relizdə deyilir ki,  ADP-çi gənc Günay Qasımova və Kamran Əliyevlə birgə saxlanaraq Səbail Rayon Polis İdarəsinə aparılıb və orada fiziki təzyiqlərə məruz qalıb. Axşam saatlarında Səbail  Rayon Məhkəməsi Günay Qasımova 10 sutka inzibati həbs cəzası kəsib, Kamran Əliyevə isə 20 manat məbləğində cərimə olunub. Günay Qasımova hazırda Binəqədi rayonundakı müvvəqqəti saxlanma təcridxanasında saxlanır.