Gərərgahı Almanyada yerləşən azərbaycanlı mühacirlərin birliyi olan ADDA (Avropa Demokratiyaya Dəstək Alyansı) Avropada yaşayan mühacirlərə çağırış etdi.

Alyansın rəhbəri, azərbaycanlı mühacir Tural Sadiqli sosial şəbəkələr vasitəsi ilə Avropada yaşayan bütün mühacirləri 18 oktyabr günü Almanyanın Nürnberg şəhərinə, "Azərbaycanlı mühacirlərin I konfransına" dəvət etdi.

Dəvətdə deyilir: "Məqsədimiz Avropada yaşayan azərbaycanlıların birliyini təmin etməkdir. Bu konfrans vasitəsilə məqsədimizə bir addım daha yaxınlaşacağıq. Biz ümidliyik ki, bu konfrans, uğrunda çalışdığımız birliyin yaranmasında ciddi dönüş nöqtəsi olacaq. Avropadakı soydaşlarımızdan da əmək sərf etmələrini və dəstək vermələrini təvəqqe edirik. Gəlin, Azərbaycan naminə birgə müzakirələr aparaq, birgə qərarlar verək, birgə işlər görək! Birləşək ki, gücümüz olsun! Gücümüz olsun ki, dəyişə bilək".

* * *