İŞİD yeni təhdidedici video yayıb. 

Bu haqda CNN telekanalı bildirir. 

Terrorçular ABŞ-da terror aktlarının baş verəcəyini vəd etdikləri videonu yayandan sonra bu dəfə Nyu-Yorku hədəfə aldıqlarını bildiriblər.

Videoda əldəqayırma partladıcı qurğu hazırlayan naməlum şəxs bombanı belindəki "şəhid qurşağı"na qoyaraq gödəkçəsi ilə "örtür". Daha sonra Nyu-Yorkun Herald-Skver (Herald Square) məntəqəsi göstərilir. Bununla İŞİD növbəti hədəfinin Nyu-York olduğuna işarə edir.

Nyu-York Şəhər Polis İdarəsinin komissar müavini Stiven Devis videonu belə şərh edib: "Bəzi kadrlar yeni olmasa da, video şəhərimizin hələ də terrorçuların hədəfi olaraq qaldığını bir daha sübut edir”.

Onun sözlərinə əsasən, konkret hədələrin səsləndirilmədiyinə baxmayaraq, polis yüksək səviyyədə sayıqlığını qoruyur.