Gəncədə 12 saylı tam orta məktəbin həyətində olan transformatorda yanğın baş verib.

Kəpəz TV-yə istinadən bildirir ki, dərhal hadisə yerinə FHN-in Gəncə Şəhər Dövlət Yanğından Mühafizə İdarəsinin əməkdaşları cəlb olunublar. Yanğınsöndürənlərin səyi nəticəsində alov söndürülüb və yarana biləcək bədbəxt hadisənin qarşısı alınıb. Səhər saat 07:15-də qeydə alınan yanğın zamanı xəsarət alan olmayıb.