Bakı metropolitenində qatarların hərəkətində gecikmə olub
Bakı metropoliteninin "28 may" stansiyasında qatarların hərəkətində gecikmə olub.
"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib ki, gecikməyə səbəb "Həzi Aslanov-Dərnəgül" istiqamətində hərəkət edən qatarlardan birində yaranmış texniki nasazlıq olub. Nəticədə qatarın stansiyaya çatması gecikib.
Qurum rəsmisi bildirib ki, problem qısa müddətdə aradan qaldırılıb və qatarların hərəkəti bərpa edilib. Hazırda qatarlar əvvəlki intervalla hərəkət edir.
Xəbər lenti
