2020 Avropa Futbol Çempionatının loqosu, İngiltərənin paytaxtı Londonda təqdim olunub.

Turnirdə yarımfinal və final oyunlarına ev sahibliyi edəcək Londondakı bələdiyyə binasında həyata keçirilən toplantıya, UEFA-nın yeni prezidenti Aleksander Ceferin, İngiltərə Futbol Federasiyasının prezidenti Qreq Klark, London bələdiyyə sədri Sadiq Xan və çox sayda qonaq qatılıb.

Turnirin loqosunda Londonun rəmzlərindən sayılan "Tower Bridge"dən istifadə edilib. 2020-ci ilin iyul ayında yarımfinal və final matçları, 90 min nəfərlik "Wembley" stadionunda oynanılacaq.