Hacı İlqar İbrahimoğlu "Azadlıq" qəzetinə səsləndi
Dəyərli "Azadlıq" qəzetinin hörmətli rəhbərliyinin diqqətinə!
Bizim seçki ilə bağlı bu günə yalnız bir açıqlamamız olub. Təəssüflər olsun ki, bu gün 08.50-də saytınıza yerləşdirilən materialda, seçki ilə bağlı işlətmədiyimiz ibarə adımızdan verilib. Və bu işlətmədiyimiz ibarə, bizim seçki ilə bağlı tutduğumuz və səsləndirdiyimiz mövqe ilə - söhbət, hər iki nəzəriyyənin yaşamaq haqqından gedir - uyğun gəlmir. Əminəm ki, bu, qəsdən edilməyib və ağır jurnalistik prosesin içində baş verə biləcək bir yanlışlığın nəticəsidir. Əgər çap versiyasında da, bu yanlışlıq yer alıbsa, hazırkı düzəliş-açıqlamamızı yerləşdirmənizi faydalı görürəm. Təbii ki, elektron versiyada demədiyimiz ibarəni yığışdırıb, açıqlamamıza uyğun fikir yerləşdirsəniz, tam kifayətdir.
Bir daha seçki ilə bağlı 3 oktyabr 2015 tarixində musavat.org-da gedən yanaşmamızı diqqətinizə çatdırırıq. Ümid edirəm ki, bu açıqlama, bizim seçki ilə bağlı tam və əhatəli yanaşmamızı bilrmək üçün, tam yetərlidir.
Sayğılarla,
Hacı İlqar İbrahimoğlu
10.10.2015
Xəbər lenti
