“Azadlıq” qəzetinin direktoru həbs olundu VİDEO Yenilənir
Faiq Əmirli şübhәli şәxs qidmindә 48 saatlıq saxlanılıb. O Nәrimanovdakı müvəqqəti saxlanma tәcridxanasına aparılıb.
Bu barәdә vәkil Aqil Layıcov mәlumat verib.
Vəkilin sözlərinə görə, Faiq Əmirli götürülən kitabların ona məxsus olmadığını, əməliyyatçılar tərəfindən avtomobilə qoyulduğunu bildirib:
“Ona CM 283-cü maddəsilə ittiham irəli sürülüb. Bu maaddənin mətnində dini-irqi və eyni zamanda mlli zəmində ixtişaşların təşkil olunması öz əksini tapır. Əvvala, kitab onun deyil, ikincisi də, kitab onun olsa belə, orada nümayişkəranə şəkildə kitabın yayılmasından söhbət gedə bilməz. Müdafiə tərəfi olaraq, hesab edirik ki, bu əməl onun tərəfindən törədilməmişdir və ehtimal olunan, şübhə doğuran əməldə cinayət tərkibi yoxdur”.
Vəkil üç kitabdan ikisinin Azərbaycan dilində, birinin isə türk dilində yazıldığını bildirib: “Faiq Əmirov türk dilində anlayışı olmadığını bildirdi. Kitabın içində isə hər hansı dini-irqi və milli zəmində qarşıdurmaya səbəb olacaq heç bir ifadə yoxdur. Kitablarda daha çox allahın təbliği və insanın necə dürüst olması haqda yazılar nəzərimi çəkdi. Bu kitabların heç biri qadağan olunmuş ədəbiyyatlar siyahısında yoxdur”,- deyə vəkil bildirib.
***
Faiq Əmirlinin evində axtarış aparan şəxslər onun avtomobilinə də baxış keçirib. İstintaq İdarəsinin əməkdaşları avtomobilə baxış zamanı guya Fətulla Gülənə aid kitablar aşkarlayaraq götürüblər.
Xatırladaq ki, Faiq Əmirli həbs olunan zaman avtomobilinin açarları ondan alınıb və bir saat müddətində istintaq idarəsinin əməkdaşlarında qalıb.
“Azadlıq” qəzetinin maliyyə direktoru Faiq Əmirli bu dəqiqələrdə mülkü geyimli şəxslər tərəfindən saxlanılıb. Onun hara və nə üçün aparıldığı haqda heç bir məlumat yoxdur. Faiq Əmirli saxlanıldıqdan sonra Ağır Cinayətlərə Dair İşlər üzrə İstintaq İdarəsinin əməkdaşları onun yaşadığı evdə axtarış aparıb.
AXCP sədrə Əli Kərimli Faiq Əmirlinin həbsinə facebook səhifəsində münasibət bildirib:
“Azadlıq” qəzetinin direktoru, AXCP-də mənim köməkçim Faiq Əmirlini həbs ediblər. Faiq bəyin heç bir qanunsuz əməlindən söhbət gedə bilməz. Ona qarşı hansı ittiham irəli sürülsə, saxta olacaq. Rejim açıq-aşkar Şimali Koreya yolu seçib. Lakin xalqın iradəsi repressiya maşınını bu dəfə də durdura bilər və durdurmalıdır. Biz gənclərimizin, övladlarımızın Şimali Koreya tipli bir ölkədə yaşamasına imkan verə bilmərik. Bir millət kimi hamılıqla səfərbər olunmalıyıq. Mən millətimizin ədalətinə də, cəsarətinə də inanıram. 21-ci əsrdə feodal təfəkkürlü insanların qurduğu rejim uzun müddət qalib ola bilməz. Bir az tez, bir az gec, bir az asan, bir az çətin qələbə xalqındır, xalq hakimiyyətinindir”!
Xəbər lenti
