Ermənistanda sentyabrın 21-də keçiriləcək hərbi parada hazırlıq çərçivəsində hərbi texnika arasında müasir “İsgəndər” raketlərinin olduğu da müşahidə edilib.

Operativ-taktiki “İsgəndər” raketlərinin Ermənistana ötürülməsini Rusiya hərbi sənayesində çalışan 2 yüksək rütbəli şəxs təsdiqləyib. Məlumata görə, Ermənistana “İsgəndər” raketlərinin 1 divizionu verilib.

Mənbə “Rosoboroneksport” şirkətinin sövdələşmədə iştirak etmədiyini və silahın Kollektiv Təhlükəsizlik Müqaviləsi Təşkilatına üzv ölkələrin müvafiq razılaşması əsasında Yerevana verildiyini bildirib.