Fevralın 7-də saxlanılan AXCP Şəki şöbəsi Gənclər Komitəsinin sədri Samir Həsənova bu gün məhkəmə 20 sutka həbs cəzası verib. Samir Həsənov fevralın 7-də Polis İdarəsinə ondan bir gün qabaq həbs edilmiş şöbə sədri İslam Həsənov üçün ərzaq apararkən saxlanılmışdı.
İslam Həsənov da fevralın 7-də məhkəməyə aparılaraq, barəsində 25 sutka həbs qərarı verilib.
Samir Həsənova Polis İdarəsində işgəncə verildiyi və zorla hansısa sənədə qol şəkdirdikləri deyilir.
***
Fevralın 7-də həbs olunan AXCP fəalı narkotik istifadə etməkdə ittiham olunur. Bu haqda AXCP sədr müavini Gözəl Bayramlı feysbuk səhifəsində məlumat yayıb. Məlumatda deyilir:
“İndi aldığım məlumata görə dünəndən Şəki rayon polis idarəsində saxlanan AXCP Şəki rayon şöbəsi GK-nin sədri Samir Həsənova işgəncə altında guya narkotika qəbulu barədə sənədə qol çəkdiriblər. Samir bəy hazırda Şəki Rayon Məhkəməsindədir. Ona qarşı narkotika ittihamı irəli sürüldüyü bildirilir”.