Saytda Türkiyə MİT-nə məxsus TIR-ların Suriya hökumətinə qarşı vuruşan terrorçulara qarşı silah daşıdığı yerdə çəkilən video yayımlanıb.

Türkiyədə Cümhuriyyət qəzetinin  baş redaktoru Can Dündar və jurnalist Ərdəm Gül  İstambulda keçirilən məhkəmədən sonra həbs olunublar. Onlar casusluqda və terror təşkilatına qoşulmaqda ittiham olunublar.   Məhkəmə hökmü oxuyarkən Can Dündar «Belə bir dönəmdə bu, mənim üçün şərəf medalıdır», - deyə bildirib. O özü hakimin verdiyi qərarı Twitter'den yazdığı "Tutuklandık" mesajıyla bildirib.   Qeyd edək ki, cari ilin may ayında qəzetdə Türkiyə MİT-nə məxsus TIR-ların  Suriya hökumətinə qarşı vuruşan  terrorçulara qarşı  silah və sursat daşıdığı yerdə çəkilən fotolar və video yayımlanmışdı. Bunu da oxuyun:   Türkiyənin son 4 ayının media senzurasının DƏHŞƏTLİ statistikası Jurnalistlər bildiriblər ki, bu fotolar 2014-cü ilin yanvar ayında çəkilib. Qəzet iddia edir ki, fotolar  Türkiyə hökumətinin terrorçuları gizli şəkildə silahla  təmin etdiyinin sübutudur.   Türkiyə hökuməti ilk əvvəllər ittihamları rədd edərək, yük maşınlarınd humanitar yardım olduğunu açıqlamışdı. Sonralar bəzi məmurlar  bildirdi ki, TIR-larda olan silahlar  Suriyanın şimalında türkmən bölmələri üçün imiş.   Prezident Rəcəb Tayib Ərdoğan bu versiyanı dəstəkləyərək, demişdi ki, yük maşınında silahın olub-olmamasından asılı olmayaraq, bu Türkiyənin maraqları üçün idi.   Dündar ilk əvvəl istintaqa çağrılarkən verdiyi ifadədə belə deyib:  «Bizə MİT TIR-ları xəbərini nədər yayımladınız», - deyə soruşdular. Biz də  mətbuat tarixinin Watergate-dən Wikileaks-ə kimi bunun kimi örnəklərlə dolu olduğunu dedik. Dövlətin təhlükəsizlik ehtiyacları ilə, xalqın bilgi almaq ehtiyacları kəsişə bilər. Dövlət bəzi bilgiləri gizlətmək istəyər, ancaq, mətbuat bunu açıqlamışdı. Həm məsələyə aydınlıq gətirmək, həm də daha böyük xətalardan  qorunmaq üçün».     Məhkəmə hökmündən sonra Dündar və Gülə açıqlama üçün izn verilməyib. Məhkəmə salonundan çıxan bəzi CHP millət vəkilləri də «Azad mətbuat susdurula bilməz», «Faşizmə qarşı çiyin-çiyinə» kimi şüarlar səsləndiriblər.   CHP millət vəkili  Mahmut Tanal qərardan sonra «Türkiyə mətbuatının başı sağ olsun. Həbs qərarı  hüququn  qtlidir. Dövlətin cinayət işlətmə azadlığı yoxdur. Dövlət öz eyiblərini «dövlət sirridir» deyə  gizlədə bilməz. Bu iqtidar hüquq çərçivəsindən kənara çıxıb. Mətbuata, demokratiyaya keçmiş olsun», - deyib.   HDP millət vəkili Qaro Paylan da  «Mətbuat azadlığına  vurulmuş bir zərbə daha, bir qaranlıq gün daha. Can Dündar və Ərdəm gül sadəcə peşələrini yerinə yetridilər. Həd bildirmək üçün həbs elədilər, amma bizləri susdura bilməzlər», - deyib.