Oxfam: ABŞ-ın 50 kompaniyası xarici ofşorlarda 1,3 trilyon dollar gizlədir
Vergidən yayınma bütün dünyada kompaniyaların ortak praktikasına çevrilib. ABŞ-ın 50 kompaniyası xarici ofşorlarda 1,3 trilyon dollar gizlədir.
RİA-Novosti-yə istinadla verdiyi məlumata görə, bu barədə Oxfam-ın hesabatında bildirilib. Qurumun qiymətləndirməsinə görə, ümumiyyətlə 200 qlobal kompaniyadan 90 faizi ofşorları istifadə edir.
Pfizer, Goldman Sachs, Dow Chemical, Chevron, Walmart, IBM və Procter & Gamble ofşor yurisdiksiyalarda 1,6 mindən çox törəmə kompaniyaları var. Hesabatın müəllifləri bildirirlər ki, multimilli holdinqlər hər il mütəmadi olaraq 240 milyard dollar dəyərində vergidən yayınırlar.
Gəlirləri gizlətmə sayəsində ABŞ ildə 111 milyard dollar, yoxsul ölkələr isə 100 milyard dollar itirirlər. Beləliklə ölkələr təhsil, səhiyyə, infrastruktura sahələrinə sərmayə çatdırmırlar, bu isə yoxsulluq həddinin artmasına səbəb olur.
ABŞ-ın 50-dən çox nəhəng kompaniyaları 2008-2014-cü ildə büdcəyə ödədikləri 1 dollar vergiyə görə, dövlətdən 27 dollar kredit, kredit zəmanəti və maliyyə yardımı alıb. Bu müddət ərzində kompaniya öz maraqlarının lobbiçiliyinə görə 2,6 milyard dollar xərcləyib, əvəzində isə kredit və maliyyə dəstəyi şəklində 11,2 milyard dollar alıb. Avropa Birliyində kompaniyalar lobbiyə ildə 1,7 milyar dollar xərcləyirlər.
Oxfam-ın baş vergi məsləhətçisi Robbi Silverman öütün ölkə hökumətlərini birləşməyə və vergi ofşorları erasına son qoymağa çağırıb.
«Biz yenə də vergi sistemində sistematik sui-istifadənin sübutlarını görürük. Biz zəngin və nüfuzlu insanların vergi ödəməməsi ilə barışmamalıyıq», - deyə o, bildirib.
Xəbər lenti
