Suriyada yerləşən Rusiya hərbi bazasından FOTOLAR
Sizlərə Suriyadakı Rusiyanın hərbi bazası ilə tanış edəcəyik.
Əvvəlcə Rusiya üçün Latakiyada «Xmeymim» aeraportu yaxınlığında daşlı səhra ayrılmışdı. Qeyd edək ki, bu yerin 50 km-də Tartus texniki təminat mərkəzi yerləşir. Oranın yaxın zamanlarda Rusiyanın hərbi dəniz flotu üçün bazaya çevriləcəyi düşünülür.
Bazanı qurmaq üçün ilk əvvəl asfalt çəkildi. Burada palçıqdan yox, artıq mövsümünün yaxınlaşdığı qum fırtınalarından qorxurlar. Açıq sarı toz zərrəcikləri hər yerə girə və mürəkkəb aviasiya texnikasına nəzarət edən texniklərə böyük problem yarada bilər.
İkinci problem su idi. Köhnə su çəni bərpa edildi, filtrlər quraşdırıldı. Artıq suyu birbaşa krandan içmək olar. Bununla belə, bazaya butılkalarda içməli su gətirilir. Yemək və içməyin miqdarına məhdudiyyət qoyulmur.
Şəxsi heyət xüsusi mebellə döşənmiş və kondisionerlərlə təchiz olunmuş modullarda yerləşdirilib.
FaktXeber.org-un məlumatına görə, hazırda «Xmeymim» aviabazasında mühəndis-aerodrom, texniki –aerodrom sistemləri və digər təminat növləri quraşdırılıb. Qısa müddətdə onlarla səhra infrastrukturu ucaldılıb. O cümlədən texnikaların yanacaqla doldurulması məntəqələri, maddi vəsaitlər anbarı, səhra qidalanma məntəqələri hazırlanıb.
Yemək otağı – nəhəng ağ çadırdır. Aşbazlardan birinin dediyinə görə, burada eyni vaxtda 3000 insanı yedirtmək olar. Bundan başqa onlarla səhra mətbəxi var.
«Yeməyə soyutma, toyuq, borş, kələm şorbaları, salatlar, oladilər, bulkalar verilir», - deyə aşbaz Lidiya Tıçkina bildirir: «Havaya artıq öyrəşmişik, adaptasiya olmuşuq. Yerlilər də bizə çox yaxşı münasibət göstərirlər».
Səhra hamamı
Paltar yuma otağı
Ütü otağı
«Tapşırıqların uğurla yerinə yetirilməsi üçün rusiyala hərbçilərə hər cürə şərait yaradılıb», - deyə Müdafiə Nazirliyinin nümayəndəsi İqor Klimov bildirib.
Xəbər lenti
