Liviyada naməlum snayper İŞİD ovuna başlayıb
Naməlum snayper Liviyanın Sirt şəhərində İŞİD terror qruplaşmasının rəhbərlərini ovlamağa başlayıb. Tass-a istinadən verdiyi məlumata görə, bu barədə yerli nəşrlərdə bildirilir.
«Yanvarın 13-dən 23-nə kimi naməlum snayper İŞİD-in 3 rəhbərini sıra ilə məhv edib. Yanvarın 13-də sudanlı Hamad Abel Hadi, yanvarın 19-da onun xələfi Əbu Məhəmməd əl Dernavi, yanvarın 23-də isə terrorçuların nüfuzlu səhra komandiri Abdullah Həməd Ənsari öldürülüb», - deyə yerli KİV-lərdə bildirilir.
Bəzi məlumatlara görə, snayperin yüksək peşəkar hazırlığı var: Bütün terrorçular özlərini tam təhlükəsiz hiss etdikləri yerdə vurulublar, atışlar tam dəqiq olub, təcrübəli döyüşçülər belə, atəşin hardan açıldığını bilməyib.
Xəbər lenti
