Yəməndə Sərhədsiz Həkimlərin xəstəxanası aviazərbələrə məruz qalıb
«Sərhədsiz həkimlər» Beynəlxalq Təşkilatı Yəmənin Saada şəhərində xəstəxananın bombalandığı barədə məlumat yayıb.
«Ötən gecə Yəmənin Saada şəhərində bizim müəssisəmizə bir neçə aviazərbə həyata keçirilib. Xəstəxananın içində əməkdaşlar və pasiyentlər var idi», - deyə təşkilatın rəsmi səhifəsində bildirilib.
Hadisə qurbanları və zərərçəkənlər barədə məlumat verilməyib.
Xatırladaq ki, oktyabr ayının əvvəllərində Əfqanıstanın Gündüz şəhərində «Sərhədsiz Həkimlər» Beynəlxalq Təşkilatının xəstəxanası ABŞ HHQ tərəfindən aviazərbələrə məruz qalmışdı. Həmin vaxt 200 nəfərin olduğu müəssisədə 30 nəfər həlak olmuşdu. Amerika qoşunları komandanı isə general Con Kempbell məsuliyyəti etiraf edərək, bunun «səhvən» baş verdiyini açıqlamışdı.
Xəbər lenti
