"Əl-Qaidə" İŞİD-ə səsləndi: "Qərbə, Rusiyaya və İrana qarşı birləşək"
«Əl-Qaidə» terror təşkilatının lideri Ayman əz-Zəvhiri terror təşkilatlarına müraciət edərək, Suriya və İraqda Rusiyaya, həmçinin Qərbə qarşı birləşməyə çağırıb.
«Amerikalılar, ruslar, iranlılar, ələvilər və Hizbulla bizə qarşı müharibədə birləşib. Doğrudanmı biz də öz aramızda münaqişəni dayandırıb, mübarizəmizi onlara qarşı yönəldə bilmərik?»,- deyə o videomüraciətində bildirib.
Müraciətin nə zaman qeydə alındığı bilinmir. Lakin Rusiyanın adının çəkilməsi, bu bəyanatın sentyabrın 30-dan sonra edildiyini göstərir. Xatırladaq ki, SƏR prezidenti Bəşşar Əsədin müraciətindən sonra RF HKQ Suriyada terrorçulara qarşı hərbi əməliyyatlara başlayıb.
Sentyabr ayında «Əl-Qaidə» İŞİD-i və onun lideri Əbu Bəkr Əl Bağdadini tanımadığını bəyan edərək, terrorçulara İraq və Suriyada Qərb koalisiyasına qarşı mübarizədə onlara birləşməyə dəvət etmişdi.
İŞİD Suriyada Rusiya təyyarələri tərəfindən öz obyektlərinin bombalanmasından sonra RF-ya qarşı cihad elan etmişdi. Ekspertlərin fikrincə «Əl-Qaidə» və İŞİD-in birləşməsi Yaxın Şərqdə onsuz da pis olan vəziyyəti daha da gərginləşdirəcək.
Xəbər lenti
