S-300-lərin İrana daşınmasına başlanılıb
İrana S-300 zenit raket sistemlərinin daşınmasına başlanılıb. FaktXəbər-in verdiyi məlumata görə, bu barədə RF prezidentinin hərbi texniki əməkdaşlıq üzrə köməkçisi Vladimir Kojin bəyan edib.
«Müqavilənin icrasına başlanılıb», - deyə o, bu barədə suala cavablandırarkən bildirib.
Qeyd edək ki, noyabrın sonlarında İranın Suriyadakı səfiri Mehdi Sənai S-300-lərin Tehrana veriləcəyi barədə elan etmişdi.
«Rostex» («Rosoboroneksport»un tərkibində kompaniya) dövlət korporasiyasının rəhbəri Serqey Çemezov noyabrın əvvəlində S-300-lərin İrana daşınması barədə yeni müqavilənin qüvvəyə mindiyini bildirmişdi. Sənəd RF prezidentinin yaz aylarında Tehrana zenit raket sistemlərinin satışının qadağasını ləğv etdikdən sonra bağlanmışdı. Bildirilirdi ki, İran sistemləri S-300PMU-2 variantında alacaq.
Yeri gəlmişkən onu da bildirək ki, İİR-in müdafiə naziri general Hüseyn Dehqan Rusiyanın S-300 zenit raket kompleksini 2016-cı ilin martın 20-də alacağını bəyan etmişdi.
Xəbər lenti
